11:20 zirenean egin du lehen dantza Tolosako Erraldoi eta Buruhandien konpartsak. Dultzainero eta bandaren erritmora, balts bat dantzatu dute. Santa Maria plazan bildutako ehundaka herritar saiatu dira kamerekin zein mugikorrekin unea harrapatzen.
Segidan Udaberri Dantza Taldeko 29 bordondantzarien txanda iritsi da, eskopetari konpainien etengabeko tiro hotsekin batera.
Prozesioa amaitu bezain laster, Euskal Herria plazan bildu dira guztiak. Guztien sorpresarako, buruhandiak TOPIC Zentroko balkoietara atera dira, eskopetari nahiz udal gobernuko kideekin batera baltsa dantzatzera. Goizeko azken salbe orokorrak Amaia Mancisidorren esanetara iritsi dira. Amaitzean, gero arte bat. Festak aurrera jarraitzen du-eta.