Ezkilen eta Tolosako Musika bandaren soinu entzungarriekin batera piztu dute, eleiz atarian, sugarra. Ordu erdi luzez aritu dira saltoka adin guztietako tolosarrak. Udal gobernuko kideak lehenengo, gainerako herritarrak, ondoren.
Sua bezain ikusgarriak izan dira, ondoren, Udaberri Dantza Taldeak eskainitako dantzak, kontzentrazio eta alaitasun aurpegien kontrastean.
Eta amaitzeko, lehen aldiz izan da oholtza gainean Santa Maria Kapera, orkestra eta guzti: Agur jaunak, Txanton Piperri, eta nola ez, San Joan Zortzikoa.