San Joanak 2016

San Joan bezperako sua, iruditan

Euriak errespetatu du San Joan bezperako sua. Tolosako Musika Banda, Udaberri Dantza Taldea eta Santa Maria Kaperaren emanaldia ere izan da jendez gainezka izan den Santa Maria Plazan.

Ezkilen eta Tolosako Musika bandaren soinu entzungarriekin batera piztu dute, eleiz atarian, sugarra. Ordu erdi luzez aritu dira saltoka adin guztietako tolosarrak. Udal gobernuko kideak lehenengo, gainerako herritarrak, ondoren. 

Sua bezain ikusgarriak izan dira, ondoren, Udaberri Dantza Taldeak eskainitako dantzak, kontzentrazio eta alaitasun aurpegien kontrastean.

Eta amaitzeko, lehen aldiz izan da oholtza gainean Santa Maria Kapera, orkestra eta guzti: Agur jaunak, Txanton Piperri, eta nola ez, San Joan Zortzikoa

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!