Elorzak azaldu duenez, bi ideia nagusi daude oraindik zeini bozkatuko dioten zalantza duten herritarrei esateko. "Batetik, Euskadin eta Espainiaren osotasunean dugun beharra gobernu adiskidetsu bat izateko. Gobernu bat gehiengo sozialaren alde legislatuko duena, jendearen arazoei kasu egingo diena, eta ez gobernu bat kontrara ariko dena, milioika familietan sufrimendua sortuz, demokraziari burla eginez, ustelkeriaren inguruan ardura hartu gabe, indar politikoekin hitz egin gabe"
Bigarren ideiaren inguruan, Elorzak azaldu du "Estatu babesle bat" behar dela, "milioika pertsona eta familientzako". Estatu "gardenagoa" behar dela esan du PSE-EEko hautagaiak, "publikoa defendatu dezala, zerbitzuak, lehentasuna emango diona aurrekontuen gastuan politika sozialei. Estatu gehiago behar dugu, eta ez PP egiten ari dena, milioika familiei kalte egiten dien gobernuarekin, Estatuaren estruktura erabiltzen duena espioitza egiteko, edo arerioei trapu zikinak bilatzeko".