Karin Robkek jaso du Topic-eko argazki onenaren saria

Tolosaldeko Ataria 2016ko eka. 23a, 11:29

Museoen Nazioarteko Egunaren harira, Topic museoak argazkigintza lehiaketa jarri zuen martxan. Museoa bera jendartean zabaltzeko asmoz; txotxongiloak eta argazkigintza ezinbestean gertu dauden bi kultur alor daudela azalarazteko. Gaur banatu dira aipatu argazki sariak.

Helduen mailan lehen saria jaso du Karin Robke Garaikoietxeak Theodor Stor4en Pole Poppenspälen-i omenaldia lanagatik. Maila berdineko accesit saria Olga Gurrutxagak jaso du, Zuzenean lanagatik.

Eta gazteek aurkeztutako lanei erreparatuta epaimahaiak Irene Martinen Papera sari nahi izan du.

Guztira 120 lan aurkeztu dituzte 35 egileek. Lan horiek guztiak gainbegiratu eta epaitzeaz arduratu dira June Gerriko, Karmele Cruz eta Ura Iturralde. Lanen lagin bat ikusgai dago Txotxongileen Zentro Museoaren Anbigu deituriko gunean.

kultura Tolosa

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!

EGIN ATARIKIDE!