Realak Tolosaren aurka jokatuko du aurredenboraldiko lehen partida
Tolosaldeko Ataria
2016ko eka. 20a, 20:59
Talde txuri-urdinak baieztatu duenez, uztailaren 16an Berazubi futbol zelaian jokatuko du aurredenboraldiko lehen lagunarteko partida, hirugarren mailara igo berri den Tolosaren aurka.
Uztailaren 7an ekingo dio lanari Realeko mutilen lehen taldeak, eta azken urteotan egin izan ohi duen erara, talde donostiarrarekin hitzarmena duen Gipuzkoako talderen batekin lagunarteko partida jokatzen du.
Aurten Tolosa CFri egokitu zaio aukera hori, eta modu horretara, hainbat mailatan aurten lortutako igoerengatik omenaldia egingo die. Neurketa uztailaren 16an jokatuko da. Zehazteke dago ordutegia.
Orain dela bi urte egin zuen azken bisita Realak Berazubi Estadiora. Oruan, Urtzi Gurrutxagari omenaldia egiteko partida jokatu zuten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
