Lizardiko arraunlariak Orian nagusi

Asier Imaz 2016ko ekainaren 20a

Larunbatean Tolosako Elkarteen arteak aritu ziren arraunean, Pausoka elkartearen aldeko estropadan. Igandean, infantil eta kadete mailako lehiak izan ziren. Tolosaldeko arraunlariek lautik hiru bandera irabazi zituzten.

Sailkapenak

Elkarteen arteko estropada (larunbata)

1. Lizardi (mutilak)                  6:53

2. Batasuna                            7:14

3. Aiz Orratz                           7:16

4. Lizardi (neskak)                  7:26

5. Txinparta                           7:29

6. Oargi                                 7:42

7. San Esteban/Urdina Txiki    7:50

Arraunean ibili ostean, bazkari herrikoia egin zuten Zerkausian. 200 lagun inguru bildu ziren, giro onarekin. Bazkalostean, Jainekin Txarangak alaitu zuen giroa, eta beraiekin batera abiatu zuten kalejira herrian zehar.

Izan ere, arratsaldean elkarteen arteko jokoak egin zituzten lehen aldiz. Toka, soka-tira, txingak... Hori guztia ere giro onarekin.  

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?


EGIN ATARIKIDE!