Jabetze eskolako batukada tailerrak eta Tolosako Neska Taldeak bat egin dute gaur, perkusio hotsez eguneroko aldarriak galako janzteko. Martxa moreak hartu du Alde Zaharra, San Joan jaien atarian eta, eskualdeko nahiz beste hainbat herritako emakumeen babesarekin, guztiek bat egin dute Gora algara moreak zioen pankartaren atzean.
Trianguloa plazatik abiatuta, Zerkausia, Plaza Berria nahiz Euskal Herria plaza hartu ditu emakumeen erritmoak, eta afari baten bueltan biribilduko du hitzordua, algara moreen erritmora.