Hiru ekintza antolatu zituzten larunbat goizerako, Paper Eskolako eraikinean. Alde batetik, Paper Eskolako ikasle ohien eskutik bi hitzaldi izan ziren, "Filigranak eta ur markak" Mariano Ayalarekin, eta "Paper jasangarria kartoi ondulatuarekin" Juan Caruchorekin. Ondoren, eskolaren historia laburbiltzen duen dokumentala proiektatu zuten.
Urteurreneko egitaraua ikasle ohien arteko bazkariarekin amaitu zen. Leaburuko ostatuan ehundik gora ikasle ohi bildu ziren. Bazkal ostean, Paper Eskolaren liburua eta dokumentala entregatu zitzaizkien.
Paper Eskolak ospakizunen "balorazio oso positiboa" egin du, eta bide batez, eskerrak eman ditu 50. urteurrena ospatzea posible egin duten guztiei.