2008. urte inguruan eskuratu zuten lehendabizikoz, eta lau urtean behin berritzeko aukera izaten da. Agenda 21 egitasmoan aritzen direnez, batetik, eta Haur Hezkuntzako eraikin berria eskola bioklimatikoa denez, bestetik, eskola jasangarriaren ziurtagiria berriro eskuratzeko aurretik harturiko konpromisoei indarra eman diete.
Irene Lezea arduradunak azaldu duenez, ingurumenaren bueltako hainbat proiektutan buru-belarri dabil Samaniego, eta hainbat konpromiso hartu behar izaten dira, ziurtagiria jasotzeko: auditoria bat pasatu ondoren eskuratzen da izendapena.
Ziurtagiriaren berritzea iragarri eta nolabait ospatzeko, beheko eraikinean janda zintzilikatu duten bandera zintzilikatuko dute, ostiral honetan, goiko eraikinean, 11:30ean; irratsaio bat ere egingo dute. Horren harira, Samaniego ikastetxeak "hezkuntza komunitatearen konpromisoa" nabarmendu nahi izan du: "Irakasle, ikasle eta gurasoen konpromisoari esker eskuratzen dira horrelako lorpenak, gauza txikiekin, eta eskerrak eman behar dizkiegu".