Duela zenbait aste mende erdiaren urtemuga iragarri zuen Tolosako Don Boscoko paper eskolak, eta iritsi zaie ospakizunetan murgiltzeko garaia. Bihar hasi eta asteburura bitarte, paperaren bueltan tailer, mahai inguru, hitzaldi nahiz bazkariak izango dituzte gaiaz gehiago jakin nahi dutenek.
Martin Letonak eman ditu egitarauaren nondik norakoak, agerraldi batean, eta saioetan parte hartzeko bideak ere ezagutarazi ditu: 943 67 29 00 telefonora deituta edo idazkaria@fpdonbosco.com helbidera idatzia eman daiteke izena.
Osteguna izango da «egunik indartsuena», Arantza Tapia garapen ekonomikoko kontseilaria eta Markel Olano aldun nagusia bertaratuko baitira, besteak beste.
Gainera, Paper Eskolak 50 urte liburua aurkeztuko dute; paperean nahiz USB formatuan izango da eskuragarri, eta gai beraren inguruko dokumentala ere ikusgai izango da.
PAPER ESKOLAK 50 URTE, EGITARAUA
Ekainaren 8a, asteazkena
Paper Eskolan 16:00. Formakuntza tailerrak eskainiko dituzte, eskolako irakasleen eskutik: - Kartoiarekin irudien eraikuntza. hiru dimentsiotan (Martin Letona). - Inauterietako maskarak paper pasta birziklatuarekin egiteko saioa (Ana Hosteins eta Vikcy Padillo). - Paper mikroskopia (Jesus Caballero) - Bioteknologia gazteentzat (Arantza Zamora eta Isabel Rodriguez).
Ekainaren 9a, osteguna
Topic zentroko aretoan 10:00. Ongietorria.
10:15. Emakumeen laneratzea industrian.
11:15. Ikaskuntza bide berriak: prestakuntza duala.
12:30. Lanbide Heziketako hezkuntza testuinguru berria.
13:15. Gazte zuntza prestatzea: paper erabakigarria Tolosaren etorkizunean.
13:45. Mikrorpoiektuen espazioa.
18:00. Paperaren etorkizuna eta nanozelulosa.
19:30. Paper Eskolak 50 urte liburuaren eta dokumentalaren aurkezpena.
21:00. Ekitaldiaren itxiera.
Ekainaren 11, larunbata
Paper Eskolan 10:00. Filigranen eta ur marken inguruko tailerra (Marino Ayala).
12:00. Paper jasangarria kartoi ondulatuan tailerra.
13:00. Ekitaldiaren itxiera.
13:30. Ikasle ohien arteko bazkaria.