Gaur, Sormenetik ekimenarekin, Benito Lertxundi hartu du protagonistatzat Galtzaundi euskara taldeak. Orion itsasoratzen den Oria ibaiaren ertzean eta Tolosako Arraun Klubak erabiltzen duen gunean elkarrizketatu dute kantaria. Bisiguaz besteko lotura egin dute bi herriek, Orioko kantariaren sormen lana abiapuntutzat hartuta.
Benito Lertxundiren lana aztertu duen Imanol Artola amezketarrak eta Iñar Sastre irurarrak eman diote hasiera ekimenari. Pianoa lagun zuela, Lertxundiren ibilbideari errepasoa eman dio bere kantu batzuk errezitatuta.
Ondoren, mahaiaren bueltan eseri dira Artolarekin batera, Juantxo Zeberio eta Naroa Anabitarte eta galderak egin dizkiote Orioko kantariari. Sormenaz eta kulturaz gogoeta egin dute. Bien bitartean, iradokitakoarekin Garikoitz C. Muruak, Lurretik ahora izeneko ilustrazioa unean bertan sortu du. Bertako jakiak ere izan dira dastatzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
