07:00ak aldera boluntarioek dagoeneko prest zuten Gorritiko elizaren ondoan kontrol gunea. Berbetan pasa dute denbora, lehen mendizaleak iristen hasi diren arte. Ondoren, ez dute atsedenik izan.
Umoretsu eta oraindik indar askorekin iritsi dira lehen kontrolera. Landak zintzarria astintzen zuen bitartean, etenik gabe iritsi dira mendizaleak: tropeltxotan, bikoteka edota bakarrik. Lehen hamaiketakoa egiteko aprobetxatu dute askok: zatoa atera eta dzanga-dzanga! Beste batzuk, botak askatu dituzte, hankek arnas pixka bat har zezaten.
Momentuz, bikain doan dena. Gurutze Gorriak guztia "normaltasunez" doala azpimarratu du. Eguraldia ere lagun dute. Ea horrela jarraitzen duen.
