Sant Quirze erraz gailendu zitzaion atzo Chapelari. Bada, gaur Kordobak ere erraz irabazi dio.
Emozio askorik gabeko partida izan da. Hasieratik hartu du aurrea Kordobako taldeak. 2-7 jarri dira. Chapela markagailuan gerturatu (6-8) den arren, minutuak pasa ahala, tartea gehiago zabaltzen joan da Kordoba, atsedenaldira zortzi goleko errentarekin iritsi den arte.
Epaileen lanaren kexu ziren galiziarrak. Ez dago, ordea, kantxan gertatutakoa baino egia handiagorik: nagusi izan dira kordobarrak.
Bigarren zatiak ez du kolorerik izan. Kordobak zuen abantailari eutsi dio, aise. 10 goleko aldea ere izatera pasa da. Azkenean, 20-28. Mario Ceballos izan da partidako goleatzailerik onena, 10 gol sartuta.
Bihar Tolosaren aurka jokatuko dute galiziarrek. Jokoan ezer ez dutela aprobetxatu beharko.