Salgai daude jadanik, Txinparta elkarteak antolatuta, ekainaren 4an eta 5ean ospatuko den Bisiguaren Festarako sarrerak. Berriro ere kalera irtengo da festa, azken urtetan elkarteetan zentratu eta gero.
Asteburu horretan zehar, 600 pertsonek bisigua plater nagusi izango dute, eta 320 bisigu inguru erreko dituzte, Orio estilora. Horretarako, Orioko Joxe Mari, Katxiña eta Xixario jatetxeetako hiru parrillero etorriko dira.
Sarrerak salgai daude Tolosaldea Tour-en. Telefonoz (943 697 413) zenbakian edota korreo elektronikoz tour@tolosaldea.eus helbidean eros daitezke, 50 euroko salneurrian. Honakoa izango da menua:
- Antxoak Gatzetan
- Tomate entsalada hegaluzearekin
- Zainzuria Nafarroa A.G.B.
- Bisigua Parrillan
- Bixigoxo postrea
- Edarietan: Heras Cordon (kriantza), Gaintza (txakolina), Insalus (ura), Irigoien (sagardoa) eta Zabala (kafea)
Bisiaguaren Festako asteburuan bertan Lore eta Landare Azoka ere ospatuko da, ekainaren 4ean hain zuzen ere.