Tolosa-Hernio-Irura-Anoeta-Tolosa izango da lehen saio honetako ibilbidea. 25 kilometro ingurukoa da. Maiatzaren 14an, berriz, bigarren saio bat egingo dute. Egun horretan distantzia antzekoa duen Tolosa-Uzturre-Elduain-Leaburu-Tolosa izango da ezagutuko duten ibilbidea. Saioak amaitzean, dutxatzeko aukera izango da.
Bestalde, ezagutzen ari da pixkanaka proban parte hartuko duten korrikalari entzutetsuen zerrenda. Besteak beste, Euskal Selekzioko kide diren Javi Dominguez, Imanol Aleson, Iokin Garai eta Jone Urkizuk baieztatu dute parte hartuko dutela. Oihana Kortazar ere, pasa den urteko irabazlea, irteeran izango da.
Izen-ematea zabalik da, 40 euroren truke. Igandetik aurrera, maiatzaren 1etik aurrera, 50 eurokoa izango da prezioa.