Usabalen erraz irabaziko duela pentsatuz datorrenari, zaplaztekoak eman zale da TAKE. Are gehiago parean duena talde handia bada. Eta zast, larunbatean berriro gertatu zen. Estela Kantabria izan da azken biktima.
Amorratuta, astebete lehenago Zarautzen gertatutakoa ahazteko asmoz, irten ziren kantxara Yon Gonzalezen mutilak. Usabalgo harmailetan bildu ziren zale ugariren aurrean itxura ona eman nahi zuten. Baita egin ere.
Parekatua izan zen partida. Ikusi besterik ez dira lehen hiru laurdenetako emaitzak: 16-18 lehenean; 18-15 bigarrenean; eta hirugarrenean berriro ere 16-18. Azken laurdenean puskatu zuten tolosarrek partida, Goar eta Lander Lasaren hirukoei esker, zein baino zein konplikatuagoak. Faltan botako ditugu Usabal erotzerainoko 5aren hiruko horiek. 70-64 eta poza berriro jokalari, entrenatzaile eta zaleen aurpegietan.
Eta honenbestez, bi jardunaldiren faltan, hamabina porrot eta garaipen pilatuta sailkapeneko zortzigarren postuan da TAKE. Helburua, ordea, pasa den urteko zenbakiak errepikatzea dela dio entrenatzaileak: "14-12ko balantzea izan genuen pasa den urtean. Hori berdintzea benetan izugarria litzateke".
Bidaia luzea tokatzen zaio larunbatean. Valladoliden jokatuko dute larunbatean.
Pos. | Taldea | I | G |
1. 2. 3. 4. 5. 6. 7. 8.. 9. 10. 11. 12. 13. 14. |
Megacalzado Ardoi C.B.Santurtzi SK Igualat. Cantabria Estela PAS Pielagos Easo Loquillo C.B. Clavijo La Gallofa & Co TAKE Tolosa Mondragon Unibertsitat. Universidad de Valladolid Grupo de Sant. Automoción Leihoak Zarautz ZKE Balon. Venta de Baños CB La Flecha |
19 17 17 17 15 13 13 12 11 11 7 6 5 5 |
7 7 7 7 9 11 11 12 13 13 17 18 19 19 |