Lan horretan hainbat laguntzaile ere izango dira, Babeleko Fabiola Jabinek jakinarazi bezala. Jokin Aldazabal Ekosfera saiokoak aurkezle lanak egingo ditu eta tarteka berak aukeratutako liburuen irakurketa ere egingo du. Ibon Martin idazle donostiarra ere liburuak irakurriz zein sinatuz presentzia izango du Liburuaren Nazioarteko Egunean. Nobela beltza du oinarri bere lanak eta El valle sin nombre eta La fábrica de las sombras bezalako lanek bere sinadura daramate.
Honetaz guztiaz gain, Iker Burgerak bere proiektua ere aurkeztuko du, Arbi, papereko liburuaz harago, aplikazio bidez errealitate hareagotua bihurtzen dena.
Goizeko 11:00etan hasi eta 14:00ak bitarte luzatuko da irakurzaletasuna bultzatzeko honako deialdia.