Honako baldintza hauek dira bete beharrekoak:
- Sanjoanak 2016, ekainak 23-26 / TOLOSA testua agertu behar da
- Obra horiek, ideia nahiz edukiari dagokionez, originalak izan beharko dute derrigor
- Gaiaren trataera sexistarik ez da onartuko
- Neurri bertikala izan beharko dute: 50x70 zentimetro
- Kolorea eta teknika aukerakoa. Ordenagailuz aurkeztuz gero, gutxienez 300 ppp izango ditu
- Kartelaren atzean egileak adina eta leloa zehaztu beharko ditu, eta kartazal batean izendeiturak, helbidea eta telefonoa adieraziko ditu. Kartazalaren kanpoan, berriz, izenburua eta egilearen adina.
Maiatzaren 6a baino lehen aurkeztu beharko dira lanak Antonio Maria Labaien kultur etxean, goizeko 10:00etatik 13:00etara, eta arratsaldez, 17:00etatik 19:00etara, astelehenetik ostiralera.
Epaimahaia kultura departamentuak izendatuko du. Lehiaketara aurkeztutako kartel guztien artean epaile taldeak aukeratutako sail bat jendaurrean erakutsiko da, Antonio Maria Labaien kultur etxeko aretoan. Aukeratutako lan hauen artetik aterako da irabazlea, herritarren botoek erabakita. Botoak kultur etxean bertan edo tolosa.eus web orrialdean emango dira.