Igoera fasea bakarrik ez, liga bera ere begiz jota du Tolosak. Astero-astero errepikatzen den kontua da: gero eta gutxiago falta da. Eta bitarte horretan, gauzak bide onean mantendu baino, gehiago argitzen doaz.
Izan ere, Trapagaranen porrotak ia errealitate bihurtzen du duela urte batzuk pentsaezina zitekeena: liga irabazi eta bigarren mailara igotzeko fasea jokatzea. Hiru jardunaldiren faltan, bi neurketako tartea du bere alde Tolosak, beraz, asteburu honetan bertan, aurkarien emaitzen arabera, erabakita utzi lezake guztia: liga eta igoera faserako txartela.
Larunbatean ere bikain egin zituen etxeko lanak Alex Noguesen taldeak. Egiari 22-30 gailendu zitzaion, neurketa ongi hasi ez bazen ere. Izan ere, lehen zatiko kontzentrazio akatsek markagailua estu jarri zuten eta atsedenaldira 12an berdinduta iritsi ziren.
Bigarrenean bai, gehiago izan ziren tolosarrak. 6:0 defentsa baliatuz, baloiak berreskuratzen hasi eta kontraerasoan min eman zuten. 3-10eko bolada izan zuten azken ordu laurdenean, azken 22-30era iristeko. Ioritz Goikoetxea izan zen goleatzailerik nabarmenena, sei sartuta. Aritz Otegik, Iñigo Arratibelek eta Iker Oritzek ere bosna eskuratu zituzten.
Ametsa egi bihurtzeko hurrengo koska, larunbatean, Usabalen, 20:00etan. Azken sailkatua, Erromo, izango da aurkaria. Aupa urdinak!
| TALDEA | J | G | B | P | PG | GA | GK | PUN. | DIF. | |
| 1 | TOLOSA C.F. ESKUBALOIA | 27 | 22 | 3 | 2 | 0 | 823 | 660 | 47 |
163
|
| 2 | TRAPAGARÁN | 27 | 21 | 2 | 4 | 0 | 820 | 640 | 44 |
180
|
| 3 | ANAITASUNA | 27 | 20 | 3 | 4 | 0 | 775 | 645 | 43 |
130
|
| 4 | UHARTE | 27 | 19 | 2 | 6 | 0 | 759 | 638 | 40 |
121
|
| 5 | SOMOS EIBAR ESKUBALOIA | 27 | 18 | 3 | 6 | 0 | 827 | 689 | 39 |
138
|
| 6 | C.D. BIDASOA IRUN | 27 | 17 | 1 | 9 | 0 | 726 | 659 | 35 |
67
|
| 7 | ALCORTA FORGING GROUP ELGOIBAR | 27 | 15 | 2 | 10 | 0 | 779 | 731 | 32 |
48
|
| 8 | BETI-ONAK | 26 | 12 | 4 | 10 | 0 | 683 | 666 | 28 |
17
|
| 9 | C.D. EGIA UR-ZE | 27 | 11 | 2 | 14 | 0 | 786 | 813 | 24 |
-27
|
| 10 | EREINTZA AGUAPLAST | 27 | 9 | 6 | 12 | 0 | 697 | 714 | 24 |
-17
|
| 11 | GURE AUZUNE | 27 | 10 | 2 | 15 | 0 | 750 | 798 | 22 |
-48
|
| 12 | UCIN ALUMINIO USURBIL | 27 | 7 | 3 | 17 | 0 | 719 | 802 | 17 |
-83
|
| 13 | BM. BARAKALDO | 27 | 6 | 0 | 21 | 0 | 697 | 806 | 12 |
-109
|
| 14 | QUIRON ASKARTZA | 26 | 5 | 2 | 19 | 0 | 671 | 791 | 12 |
-120
|
| 15 | BM. ROMO INDUPIME | 27 | 5 | 1 | 21 | 0 | 590 | 758 | 11 |
-168
|
| 16 | PULPO K.E | 27 | 0 | 0 | 27 | 0 | 497 | 789 | 0 |
-292
|
Bigarren taldeak, berriz, galdu egin zuen Urdanetaren aurka, 28-25. Lehen zati parekatu baten ondoren, 13-11 iritsi ziren atsedenaldira. Bigarren zatia bikain hasi zuten, berdintzea lortu baitzuten tolosarrek, baina etxeko taldeak hiru goleko errenta lortu zuen, amaierara arte mantenduz. Julen Garcia izan zen aipagarriena, 11 gol eskuratu baitzituen.
Jon Iraolaren taldeak maila mantentzea lortu badu ere, puntuak pilatzen jarraitzeko asmoa du. Izan ere, lehen nazional mailako taldeen jaitsierek baldintza lezakete bigarren nazional maila. Eskolapioen aurka jokatuko dute hurrengo neurketan, Usabalen.