Tolosa A eta B, Pauldarrak, Itaroa Huarte, Intxaurdi, Izarra, Gasteizko Neskak eta Hernanik jokatuko dute Nescup-en lehen edizioa. Apirilaren 3an jokatuko da txapelketa, goizez eta arratsaldez. Zortzi taldeak futbol zortzian arituko dira, eta 2002/2003 urteetan jaiotako jokalariez osaturik egongo dira.
Txapelketaren nondik norakoak gaur arratsaldean argitu dituzte. Aurkezpen ekitaldian, Tolosa CF-eko ordezkariekin batera, Patxi Amantegi eta Christian Fernandez udal ordezkariak egon dira. Fernandez kirol zinegotziaren esanetan, udalak orain arte bezala beti emakumeen kirola babesten jarraituko du. Tolosa CF-en izenean, Manu Ayertzak hitz egin du, eta emakumeen sekzioaren garrantzia azpimarratu du. Nesken taldeko hainbat kidek, azken urteetan sekzioak izan duen bilakaera azpimarratu dute, eta maila bakoitzean gutxienez talde bat izatearen lorpena nabarmendu dute.
Nescup 2016, barne araudia
- Futbol 8ko araudiarekin jokatuko da txapelketa.
- Deneta zortzi taldek parte hartuko dute, bi multzotan banatuta. Guztiek ligaxka moduan elkarren aurka jokatuko dute goizean. Arratsaldean finalerdiak eta finala jokatuko da.
- Partiden iraupena 25 minutukoa izango da. Finalak, aldiz, 15 minutuko bi zati izango ditu.
- Arratsaldeko partidetan berdinketa eman ez gero, hiru penaltiko txanda izango da.