Azken asteotako jardunaldiak menditsuak izaten ari dira Tolosa Eskubaloiarentzat, sailkapenaren puntan dauden taldeen aurka lehiatzen ari baita. Eta ondo doakio, gainera: Eibar menderatu zuen; Trapagaranen aurka berdindu; eta asteburuan Uharterekin ere puntu bat eskuratu du.
Garaipenera ohitu gaitu Tolosak, baina bi berdinketa horiek gehiago izan dute onetik, txarretik baino. Aurkariei mesede gutxiago egin die emaitza horrek. Izan ere, astez aste, eta denboraldia lehen postuan amaitze aldera, pausu erraldoiak ematen ari da talde urdina.
Larunbatean, orain arte tolosarrak garaitzeko gai izan den talde bakarra izan zen Usabalen: sailkapeneko laugarren lekuan den Uharte. Gogorra izan zen partida, gisa horretako neurketen antzerakoa.
Bi zatiak guztiz ezberdinak izan ziren. Hasierako minutuetan berdintasuna zen nagusi, baina pixkanaka etxeko taldea tartea zabaltzen joan zen, harik eta atsedenaldira lau goleko aldearekin iritsi ziren arte: 17-13. Guztia alde zuen Tolosak.
Bigarren zatiaren hasieran, ordea, bi minutuko bi zigor jaso zituzten tolosarrek eta hori aprobetxatu zuten nafarrek markagailua estutzeko. Uharteren atezainak ere geldiketa bikainak egin zituen.
Bigarren zatiko 27. minutuan 25na berdintzea lortu zuen Uhartek. Hortik aurrera, edonork irabazi ahal izan zuen. Azken jokaldia tolosarren aldekoa izan zen, jokalari bat gehiagorekin zirela gainera, baina Arratibelen jaurtiketa ez zen sartu.
Hurrengo larunbatean, apirilaren 2an, izango du ibilbide aldapatsu horretako azken mendate gogorra. Anaitasunaren etxean jokatuko dute, 19:00etan. Hirugarren dira iruindarrak, eta garaipena lortuz gero, bost jardunaldiren faltan zortzi puntuko aldea zabalduko lukete sailkapenean. Ia match ball bat. Aupa urdinak!
| TALDEA | J | I | B | G | - | AG | KG | PUNT. | DIF. | |
| 1 | TOLOSA C.F. ESKUBALOIA | 24 | 20 | 3 | 1 | 0 | 745 | 594 | 43 |
151
|
| 2 | TRAPAGARÁN | 24 | 19 | 2 | 3 | 0 | 742 | 567 | 40 |
175
|
| 3 | ANAITASUNA | 24 | 17 | 3 | 4 | 0 | 682 | 571 | 37 |
111
|
| 4 | UHARTE | 24 | 17 | 1 | 6 | 0 | 680 | 570 | 35 |
110
|
| 5 | SOMOS EIBAR ESKUBALOIA | 24 | 15 | 3 | 6 | 0 | 727 | 620 | 33 |
107
|
| 6 | C.D. BIDASOA IRUN | 24 | 16 | 1 | 7 | 0 | 652 | 582 | 33 |
70
|
| 7 | ALCORTA FORGING GROUP ELGOIBAR | 24 | 14 | 1 | 9 | 0 | 694 | 648 | 29 |
46
|
| 8 | BETI-ONAK | 23 | 11 | 3 | 9 | 0 | 613 | 600 | 25 |
13
|
| 9 | C.D. EGIA UR-ZE | 24 | 10 | 2 | 12 | 0 | 716 | 733 | 22 |
-17
|
| 10 | EREINTZA AGUAPLAST | 24 | 8 | 5 | 11 | 0 | 619 | 635 | 21 |
-16
|
| 11 | GURE AUZUNE | 24 | 10 | 1 | 13 | 0 | 671 | 713 | 21 |
-42
|
| 12 | UCIN ALUMINIO USURBIL | 24 | 5 | 2 | 17 | 0 | 637 | 734 | 12 |
-97
|
| 13 | BM. BARAKALDO | 24 | 6 | 0 | 18 | 0 | 625 | 714 | 12 |
-89
|
| 14 | QUIRON ASKARTZA | 23 | 5 | 1 | 17 | 0 | 598 | 699 | 11 |
-101
|
| 15 | BM. ROMO INDUPIME | 24 | 4 | 0 | 20 | 0 | 528 | 693 | 8 |
-165
|
| 16 | PULPO K.E | 24 | 0 | 0 | 24 | 0 | 458 | 714 | 0 |
-256
|
Aloña Mendi 33 -Tolosa B 29
Neurketa bizia bigarren taldeak eta Aloña Mendik jokatutakoa. Ligako talderik gogorrenetakoa dira oñatiarrak, baina tolosarrek zail jarri zituzten gauzak. 17-14 aurreratu zen Aloña Mendi lehen zatian. Bigarrenean, Tolosak ez zuen etsi, baina ezin izan zuen askoz ere gehiago gerturatu: 22-29. Bi asteko atsedenaldiaren ondoren, azken fase erabakigarria izango dute.