Tolosako Gazte Asanbladako kideak prentsaurrean agertu dira gaur arratsaldean, udaletxearen aterpean. Egunean gertatuaren balantzea egin dute bertan, eta gaztetxearekin edo gabe, egitarauak aurrera jarraitzen duela esan dute.
Gaur, 22:30ean, pelikula bat ikusiko dute Abastosen. Bihar, igandea, Zerkausian elkartuko dira 11:30ean. TGA-ko kideek azaldu dutenez, egun guztia bertan pasako dute, tailer, bazkari, jolas eta abar eginaz. Gaua bertan pasatzeko asmoa dutela ere gaineratu dute: "Beraz, jendea bertara azaltzeko deialdia egiten dugu, proiektu honekin aurrera jarraitu eta etorkizuna guztion artean eraikitzeko".
Astelehenerako manifestazio deialdia egin dute. 18:00etan Trianguloa plazan jarri dute hitzaldia.