Dantzari txikiek hartu dute Tolosako plaza handia

Dantzari txiki eguna eta Erromeri eguna antolatu ditu Udaberri dantza taldeak gaur. Goizean goizetik herri ezberdinetatik etorritako dantzari txikiak dabiltza herriko kaleetan zehar, kalejiran. Tolosako elkarteetan bazkaldu ondoren, emanaldia eskainiko dute, 16:30ean, Plaza Berrian.

Arratsaldean, ohiturari jarraituz, taldeko musikariek girotutako poteoa izango da 19:30ean Plaza Zaharrean hasita; afaria 21:00etan izango da Zerkausian. Gauean, Zesuma taldearen erritmora dantza egiteko aukera izango da.