Denbora kontua zen. Tolosa garaipenaren bidera itzuli zen asteazkenean. Touringen aurka jokatu zuen duela bi aste bertan behera gelditutako partida. 2-0 eta sentsazio onak asteburuari begira.
Ezin, ordea, garaipena errepikatu. Azken asteotakoa: Tolosak gehiago merezi, aukerak sortu, baina ezin sartu. Lehen zatia orekatua izan zen. Goizitarra izan zen etxekoen gola: 8. minutuan aurreratu zuen Tolosa Bereziartuak. Gorka Brit aurrelariak berdinketa lortu zuen 25.ean akatsa bat aprobetxatuz. Ez du barkatzen.
Bigarren zatian Tolosa izan zen nagusi. Erabat. Aukera ugari izan zituen, area barrutik gutxienez dozena erdi bat alditan jaurti zuen baloia. Horietako batzuk marra bertatik atera zituzten lasartearrek. Hiru penalti ere izan zirela dio Lillok, haserre. "Argiak". Bat bera ere ez zuen adierazi epaileak. Aukerak ezin gauzatu, ez zen gehiago mugitu markagailua. Eta eskerrak. "Bigarren zatian Ostadarrek izan zituen aukera gutxienetako batean berdinketa lortu zezaketen, eta akabo zure lana!" dio Lillok.
Lillok onartu du apur bat "etsita" ikusi duela taldea. "Ez da erraza lan oso ona egiten ari zarela ikusi eta astero astero saririk gabe gelditzea" azaldu du entrenatzaileak. Dena den, "borrokan" jarraituko dutela argi du. Osteguneko ondorioa garaipenaren bidera itzultzea denbora kontua zela zen bezela, astelehen hontakoa, denbora kontua izango dela da.
| Pos. | Taldea | Pt. | JP | IP | BP | GP | EA | AT | KT |
|---|---|---|---|---|---|---|---|---|---|
| 1 | ANAITASUNA C.D. | 54 | 25 | 16 | 6 | 3 | 0 | 53 | 20 |
| 2 | TOLOSA C.F. | 52 | 26 | 16 | 4 | 6 | 0 | 54 | 27 |
| 3 | REAL UNION CLUB SAD | 47 | 26 | 14 | 5 | 7 | 0 | 47 | 27 |
| 4 | MUTRIKU F.T. | 47 | 26 | 14 | 5 | 7 | 0 | 43 | 31 |
| 5 | HERNANI C.D. | 43 | 26 | 12 | 7 | 7 | 0 | 37 | 29 |
| 6 | ALOÑA MENDI KE | 42 | 26 | 12 | 6 | 8 | 0 | 36 | 29 |
| 7 | OIARTZUN K.E. | 41 | 26 | 13 | 2 | 11 | 0 | 33 | 26 |
| 8 | OSTADAR S.K.T. | 40 | 26 | 12 | 4 | 10 | 0 | 40 | 48 |
| 9 | TOURING C.D. | 39 | 26 | 11 | 6 | 9 | 0 | 29 | 26 |
| 10 | HONDARRIBIA F.E | 38 | 26 | 10 | 8 | 8 | 0 | 35 | 28 |
| 11 | ZARAUTZ K.E. | 33 | 26 | 9 | 6 | 11 | 0 | 30 | 29 |
| 12 | EUSKALDUNA S.D. | 29 | 26 | 8 | 5 | 13 | 0 | 25 | 51 |
| 13 | ELGOIBAR C.D. | 27 | 26 | 8 | 3 | 15 | 0 | 24 | 37 |
| 14 | BETI GAZTE K.J.K.E. | 27 | 26 | 7 | 6 | 13 | 0 | 28 | 38 |
| 15 | MARTUTENE K.E. | 26 | 26 | 7 | 5 | 14 | 0 | 25 | 39 |
| 16 | GETARIAKO KETA F.T. | 23 | 25 | 7 | 2 | 16 | 0 | 28 | 49 |
| 17 | ORDIZIA K.E. | 23 | 26 | 5 | 8 | 13 | 0 | 31 | 40 |
| 18 | ORIOKO F.T. | 22 | 26 | 6 | 4 | 16 | 0 | 23 | 47 |
Iturria: Kirolak.net