Azken asteotan arerio garrantzitsuen aurkako partidak jokatu ditu Tolosa Eskubaloiak. Datozen bi asteetan ere aurkari gogorrak izango ditu. Eta jardunaldi horien artean kokatzen zen larunbateko Askartzaren aurkako partida. Itxuraz, erraza. Baina, horrelako partidek arriskutik ere badute, tramiteak bete egin behar izaten baitira. Hala ere, arriskurako tarte handirik gabe, tolosarrek erraz gainditu zuten Askartza.
Hainbat despisteren eta etxeko taldearen 3:2:1eko defentsa irekiaren ondorioz, partidan sartzea kosta zitzaien urdinei, baina esfortzu handirik egin gabe, 11-16ko emaitzarekin iritsi ziren atsedenaldira.
Bigarren zatian, ordea, erabat nagusi izan ziren Alex Noguesenak. Talde bilbotarrak ez zuen aukera askorik izan. Azken emaitza: 22-36.
Emaitzaz gain, taldeak emandako sentsazioak nabarmendu ditu entrenatzaileak: "Errotazio asko egin behar izan genituen, baina talde osoak ongi erantzun zuen". Izan ere, Aitor Aranburu, Eneko Ziganda eta Aitor Iturraldek ezin izan zuten jokatu. Jokatzeko moduan izan zirenen artean, aipatzekoak izan ziren Estanis Arsuaga eta Asier Zubiria defentsa lanetan, baita Iñigo Arratibel (7), eta Ioritz Goikoetxea eta Iker Ortiz (6) erasoan ere.
Datorren astean, Tolosa garaitu duen talde bakarrak egingo du bisita. Laugarren postuan dagoen Uharteren aurka jokatuko du larunbatean, 16:30etik aurrera Usabalen. Igoera faserako txartela ia erabakita uzteko partida erabakigarria da, eta berriro ere harmailak guztiz beteta egongo direla aurreikusten da.
| TALDEA | JP | I | B | G | - | GA | GK | PT | DIF. | |
| 1 | TOLOSA C.F. ESKUBALOIA | 23 | 20 | 2 | 1 | 0 | 719 | 568 | 42 |
151
|
| 2 | TRAPAGARÁN | 23 | 18 | 2 | 3 | 0 | 714 | 545 | 38 |
169
|
| 3 | ANAITASUNA | 23 | 16 | 3 | 4 | 0 | 651 | 547 | 35 |
104
|
| 4 | UHARTE | 23 | 17 | 0 | 6 | 0 | 654 | 544 | 34 |
110
|
| 5 | SOMOS EIBAR ESKUBALOIA | 23 | 15 | 3 | 5 | 0 | 705 | 596 | 33 |
109
|
| 6 | C.D. BIDASOA IRUN | 23 | 15 | 1 | 7 | 0 | 628 | 560 | 31 |
68
|
| 7 | ALCORTA FORGING GROUP ELGOIBAR | 23 | 14 | 1 | 8 | 0 | 672 | 620 | 29 |
52
|
| 8 | BETI-ONAK | 22 | 10 | 3 | 9 | 0 | 587 | 577 | 23 |
10
|
| 9 | C.D. EGIA UR-ZE | 23 | 10 | 2 | 11 | 0 | 694 | 706 | 22 |
-12
|
| 10 | EREINTZA AGUAPLAST | 23 | 8 | 5 | 10 | 0 | 596 | 609 | 21 |
-13
|
| 11 | GURE AUZUNE | 23 | 9 | 1 | 13 | 0 | 643 | 694 | 19 |
-51
|
| 12 | UCIN ALUMINIO USURBIL | 23 | 5 | 2 | 16 | 0 | 613 | 703 | 12 |
-90
|
| 13 | QUIRON ASKARTZA | 22 | 5 | 1 | 16 | 0 | 568 | 663 | 11 |
-95
|
| 14 | BM. BARAKALDO | 23 | 5 | 0 | 18 | 0 | 589 | 684 | 10 |
-95
|
| 15 | BM. ROMO INDUPIME | 23 | 3 | 0 | 20 | 0 | 501 | 671 | 6 |
-170
|
| 16 | PULPO K.E | 23 | 0 | 0 | 23 | 0 | 439 | 686 | 0 |
-247
|
Gutxigatik
Bigarren taldeak gutxigatik ez zuen sorpresa eman liderraren aurka. Arazo asko izan zituen Jon Iraolaren taldeak, Ander Uranga, Josu eta Eneko Zigandak ezin izan zutelako jokatu lesioengatik. Tolosarrak, baina, ez ziren kikildu, eta gogor borrokatu zuten. Atsedenaldira 15-17ko emaitza itxaropentsu batekin iritsi ziren, eta bigarren zatian hainbatetan berdintzea lortu bazuen ere, azkenean 31-32 galdu zuen. Aloña Mendiren aurka jokatuko du datorren asteburuan.