Azzedine, Iosu, Oier, Iban, David, Jon, Beñat... Tolosaldea Lanbide Heziketa Institutuko Informatika graduko ikasleak dira eta astero-astero ikasgelan ikasitakoa gizarteratzeko modua badute. Teknologiaz mintzatzen dira Pasahitza irratsaioan eta ondoren ATARIA-ko webgunean zintzilikatzen dute komunitatean, guztiontzat eskuragarri. Hala nola, egunerokotasunean baliagarri zaizkigun aplikazioen berri eman dute irratsaioa bidez: Google Drive edo Whatsapp, bi adibide baino ez dira.
Informatika ikasleek telefono edo Skype bidez parte hartu izan dute irratian baina iragan astean, ATARIA IRRATIA eta horrenbestez TOLOSALDEKO ATARIA-ko erredakzioa bertataik bertara ezagutzeko aukera izan zuten. Kazetarien eguneroko jardunaren nondik norakoak ezagutuz, Rakel Pascual irakaslea laguntzaile zutela.
ESPERIENTZIA ABERASGARRIA
ATARIA-k informatikako ikasleekin landu duen elkarlan eredu hori zabaldu nahian bestelako ikastetxeetara ere hedatu nahi du honako «esperientzia aberasgarria», aurrera egin eta sendotzen jarraitzeko helburuarekin.