Hamargarren aldiz ordenagailuen hiriburu bilakatuko da Tolosa asteburu batez. Gipuzkoa Encounterren X. edizioa ospatuko da apirilaren 15etik 17ra. Bertan, 400 ordenagailurentzat leku izango da, eta 10 Gb/s-ko Internet konexioaz gozatzeko aukera izango dute parte hartzaileek.
Izen ematea zabalik da dagoeneko. Sarrerak ordenagailua jartzeko leku bat, entxufe bat eta sare lokal eta interneterako konexioa izateko eskubidea ematen du. Hala ere, ez da beharrezkoa izango ordenagailua ematea, beraz, kasu horretan ez da lekurik aukeratu beharko. Gainontzeko erreserbak martxoaren 8an egingo dira, 10:00etatik aurrera.
Egun horretatik aurrera, Gipuzkoa Encounterren webgunean alta emateko aukera izango da, eta erreserbak egin ahal izango dira bakarka nahiz taldeka. Sarreraren prezioa 35 eurokoa izango da.