Irabaztea garrantzitsua zen, baina ez beharrezko. Galtzea ere onartu zitekeen Tolosak. Larunbatean neurketa zaila zuen Eibarren hirugarren sailkatuaren aurka, eta bien arteko tarte zabala ikusirik, porrotak ez zukeen ondorio larririk eragingo.
Onartu zitekeen, baina ez zuen egin. Galdu hitza ez baita Tolosaren hiztegian sartzen. Igoera fasearen bila doa itsu itsuan Alex Noguesen taldea, eta bide horretan, barkatzeko tarterik ez da.
Dena den, azken jardunaldietan baino izerdi gehiago bota behar izan zuten urdinek, gol bakarreko aldeaz irabazi baitzioten talde eibartarrari.
Lehen zatian defentsak izan ziren protagonistak: Eibarrek sistemaz aldatzen zuen etengabe, eta Tolosa tinko zen 6:0-eko defentsarekin. Tolosarrek hartu zuten aurrea markagailuan, nahiz eta tarte handirik ez zabaldu. 11-13koarekin iritsi ziren atsedenaldira.
Bigarren zatia parekatuagoa izan zen. 40. minutuan armaginek berdinketa lortu zuten, eta aurretik jartzera ere iritsi ziren. Azken minutuetan lortu zuen Tolosak aldea zabaltzea. 24-24kotik bi goleko errenta izatera pasa zen, eta alde hori mantendu zuen amaierara arte. Etxeko taldearen gola 5 segundoren faltan iritsi zen. 27-28 eta pozarren!
Aitor Ibarguren eta Urtzi Otegi atezainen lana paregabea izan zen neurketa osoan zehar. Otegik, gainera, Eibarrek jaurtitako bederatzi penaltietatik bost geratu zituen. Erasoan, berriz, Aritz Otegi (8) eta Iñigo Arratibel (5) izan ziren nabarmenenak.
Garaipen honekin, beste aurrerapauso bat eman du Tolosak igoera faseko txartela lortzeko bidean. Datorren larunbatean, berriz, ia erabakita uzteko aukera du, bigarren sailkatua, Trapagaran, hartuko baitu Usabalen 16:30etik aurrera. Jarrai dezala galdu hitzak hiztegian egon gabe!
| TALDEA | P | I | B | G | - | AG | KG | PUN. | DIF. | |
| 1 | TOLOSA C.F. ESKUBALOIA | 21 | 19 | 1 | 1 | 0 | 655 | 518 | 39 |
137
|
| 2 | TRAPAGARÁN | 21 | 17 | 1 | 3 | 0 | 646 | 501 | 35 |
145
|
| 3 | UHARTE | 21 | 16 | 0 | 5 | 0 | 603 | 495 | 32 |
108
|
| 4 | SOMOS EIBAR ESKUBALOIA | 21 | 14 | 3 | 4 | 0 | 650 | 538 | 31 |
112
|
| 5 | ANAITASUNA | 21 | 14 | 3 | 4 | 0 | 592 | 510 | 31 |
82
|
| 6 | C.D. BIDASOA IRUN | 21 | 13 | 1 | 7 | 0 | 569 | 518 | 27 |
51
|
| 7 | ALCORTA FORGING GROUP ELGOIBAR | 21 | 12 | 1 | 8 | 0 | 611 | 569 | 25 |
42
|
| 8 | BETI-ONAK | 20 | 9 | 3 | 8 | 0 | 540 | 524 | 21 |
16
|
| 9 | EREINTZA AGUAPLAST | 21 | 7 | 5 | 9 | 0 | 540 | 558 | 19 |
-18
|
| 10 | GURE AUZUNE | 21 | 9 | 1 | 11 | 0 | 591 | 627 | 19 |
-36
|
| 11 | C.D. EGIA UR-ZE | 21 | 8 | 2 | 11 | 0 | 641 | 662 | 18 |
-21
|
| 12 | QUIRON ASKARTZA | 20 | 5 | 1 | 14 | 0 | 515 | 593 | 11 |
-78
|
| 13 | UCIN ALUMINIO USURBIL | 21 | 4 | 2 | 15 | 0 | 558 | 644 | 10 |
-86
|
| 14 | BM. BARAKALDO | 21 | 5 | 0 | 16 | 0 | 542 | 612 | 10 |
-70
|
| 15 | BM. ROMO INDUPIME | 21 | 3 | 0 | 18 | 0 | 459 | 612 | 6 |
-153
|
| 16 | PULPO K.E | 21 | 0 | 0 | 21 | 0 | 403 | 634 | 0 |
-231
|
Ikusi partidako argazki gehiago
Berdinketa garrantzitsua
Bigarren taldeak urrezko puntua lortu du Deusturen aurka. Lehen zatian nagusi izan ziren eta 3 goleko aldearekin iritsi ziren atsedenaldira (14-11). Bigarrenean, ordea, bizkaitarrek estutu egin zuten eta bost minutu falta zirenean aurrea hartu zuten: 24-25. Tolosarrek ez zuten etsi, eta azken unean lortu zuten berdinketa: 27-27. Aipatzekoak izan ziren Eneko Zigandaren eta Ander Urangaren bederatzi golak.