"Aurtengo ikasturtean Haurren Hiriaren kontseiluan adostu dute aisialdia lantzea", azaldu du Nerea Cereceda Gazteria teknikariak. "Aurreko hiru saioetan haurren artean adosten joan dira zer-nolako aisialdia gustatuko litzaiekeen izatea. Gaurko saioaren helburua izan da gurasoei aurkeztea zer landu duten eta gurasoen ekarpenekin agenda osatu, aurrera begira martxan jartzeko". Kultur etxean egin dute bilera, eta kopuru handia bildu da bertan agenda hori zehazteko.
