"Hiru urte daramatzagu plataforma martxan jarri genuela, eta denbora tarte batez egon gara informazio mahairik jarri gabe. Ekimen honekin elkarteari bultzada bat ematea da helburua", azaldu dute Stop Kaleratzeak-etik. Besteak beste, pintxoak jarri dituzte jendearen kolaborazioa eskatzeko.
Plataformara etxetik kaleratzeko arriskua duten kasuak iristen jarraitzen dutela diote, eta lanean ari direla eskualdean, egoera horretan daudenei laguntza eskainiz. Tolosako Abastos eraikinean elkartzen dira astelehenetan, 19:30etik aurrera.