Urruti dago oraindik, baina helmuga bistaratzen hasia da Tolosa Eskubaloia. Beste jardunaldi bat, beste garaipen bat: hemezortzigarrena. Bejondeiela!
Oraingoan Gure Auzune talde gasteiztarrak egin zuen geldialdia Usabalen. Hauek ere ezin ezer handirik egin tolosarren garaipena saihesteko.
Lehen zatian eutsi zuten arabarrek, Tolosak markagailuan joateko aukerak ez zituelako aprobetxatu: 14-12koarekin iritsi ziren atsedenaldira. Bigarrenean, ordea, bai. Azeleragailua zapaldu eta aurrera, amaierara arte: 38-24. Bikain izan ziren Ioritz Goikoetxea eta Aritz Otegi, zortzina golekin, baita Urtzi Otegi atezaina ere.
Tolosak igoera faseko postuak begi bistan dituen bitartean, beste askok oraindik bide luzea dute horraino iristeko. Izan ere, Uhartek eta Anaitasunak berdindu egin dute asteburuan eta zazpi eta zortzi puntura dira sailkapenean. Distantzia handia, gutxi barkatzen duten taldeen artean. Trapagaran eta Eibar dira gertutik zaindu beharreko taldeak.
Hain zuzen, bi talde hauen kontra jokatuko du datozen bi jardunaldietan Tolosak. Larunbatean, etxetik kanpo, Eibarren aurka jokatuko du; bi aste barru, Trapagaran izango da Usabalen. Helburua begi bistan izatetik, ia eskuartean izatera pasatzeko lehen aukera dute, beraz, tolosarrek. Aupa Urdinak!
| Taldea | P | I | B | G | PG | AG | KG | Puntuak | Dif. | |
| 1 | TOLOSA C.F. ESKUBALOIA | 20 | 18 | 1 | 1 | 0 | 627 | 491 | 37 |
136
|
| 2 | TRAPAGARÁN | 20 | 16 | 1 | 3 | 0 | 615 | 480 | 33 |
135
|
| 3 | SOMOS EIBAR ESKUBALOIA | 20 | 14 | 3 | 3 | 0 | 623 | 510 | 31 |
113
|
| 4 | UHARTE | 20 | 15 | 0 | 5 | 0 | 574 | 478 | 30 |
96
|
| 5 | ANAITASUNA | 20 | 13 | 3 | 4 | 0 | 561 | 484 | 29 |
77
|
| 6 | C.D. BIDASOA IRUN | 20 | 12 | 1 | 7 | 0 | 542 | 493 | 25 |
49
|
| 7 | ALCORTA FORGING GROUP ELGOIBAR | 20 | 12 | 1 | 7 | 0 | 586 | 542 | 25 |
44
|
| 8 | BETI-ONAK | 20 | 9 | 3 | 8 | 0 | 540 | 524 | 21 |
16
|
| 9 | C.D. EGIA UR-ZE | 20 | 8 | 2 | 10 | 0 | 615 | 631 | 18 |
-16
|
| 10 | EREINTZA AGUAPLAST | 20 | 6 | 5 | 9 | 0 | 517 | 538 | 17 |
-21
|
| 11 | GURE AUZUNE | 20 | 8 | 1 | 11 | 0 | 559 | 597 | 17 |
-38
|
| 12 | QUIRON ASKARTZA | 20 | 5 | 1 | 14 | 0 | 515 | 593 | 11 |
-78
|
| 13 | UCIN ALUMINIO USURBIL | 20 | 4 | 2 | 14 | 0 | 537 | 613 | 10 |
-76
|
| 14 | BM. BARAKALDO | 20 | 5 | 0 | 15 | 0 | 512 | 580 | 10 |
-68
|
| 15 | BM. ROMO INDUPIME | 20 | 3 | 0 | 17 | 0 | 442 | 583 | 6 |
-141
|
| 16 | PULPO K.E | 20 | 0 | 0 | 20 | 0 | 383 | 611 | 0 |
-228
|
Bigarren taldeak, partida txarra
Bigarren taldeak erraz galdu zuen Legazpian. Ez zuen neurketa ona jokatu, eta hasieratik atzetik joan ostean, 27-18 galdu zuten. Deustu izango du hurrengo aurkaria, Usabalen.