Egitasmoa makrobiotikaren inguruko ikastaro txikiak egin izan dituzten herritar talde batean sortu da. Hilero elkartzen dira La Jara elkartean, makrobiotika hizpide izateko eta, ondoren, afari makrobiotikoa egiteko. Gaurko egunaren helburuetako bat, elikadura mota hori ezagutaraztea, eta makrobiotika jateko modu bat baino gehiago dela plazaratzea.
Aipatu bezala aurten antolatu dute lehen aldiz egun hau eta horregatik oinarrizko kontzeptu eta ideiak azaltzeko probestu nahi izan dute. Kultur etxean ekin diote lehen hitzaldiari, 16:00etan. Baina, ondoren nekazaritza ekologikoa eta makrobiotika lantzeko beste bi hitzaldi ere egiten ari dira.
Hitzaldiak amaitutakoan, afari makrobiotikoa egingo dute La Jaran. Menuak 15 euroko prezioa izango du eta, haurren kasuan, 5 euro ordaindu beharko dute.