Koska gainditu beharra zuen Tolosak inauterien ostean. Zaila izaten da beti jardunaldi hori. Madarikatua askotan. Eta oraingoan ere, puntua gutxietsi gabe, onetik baino, zapore txarretik gehiago utzi zuen igandeko partidak.
Sailkapenari begiratuta irabazten erraza zirudien talde bat zuen aurrean: Orioko. Baina inork ez du errazetik ezertxo ere ez. Eta gutxiago atzean sartu eta horma bat ipintzen badute ate aurrean.
Ezin atea zulatu! Eta ez saiakerarik eta meriturik egin ez zuelako. Lehen zatian baino, bigarrenean iritsi ziren aukerak. Behin eta berriz hegaletatik egin zuen saiakera talde urdinak, baina ezin. Abagune ederrak izanda ere ez. Azken minutuetan, barruan zirudien baloiak zutoinean jo zuen Tolosa saririk gabe utziz. Sartu nahi ez duenean, ezin ezer egin, saiatzen jarraitzea baino.
Koska gainditzeko saiakeran, estropezu egin zuen Tolosak. Ez zen erori. Hori ere garrantzitsua izaten da. Eta horrelako kasuetan, atzera begiratu soil bat egin, eta aurrera egin behar, ez baitago atsekabetzeko astirik.
Izan ere, Anaitasuna hiru puntura hurbildu zaio Tolosari. Zortzira mantentzen da Mutriku, hirugarren postuan. Datorren astean, berriz, Hondarribia-Tolosa eta Anaitasuna-Mutriku. Berriro ere aldea zabaltzeko aukera, batekiko edo biekiko. Aupa urdinak!
| Pos. | Taldea | Puntuak | JP | IP | BP | GP | EA | AT | KT |
|---|---|---|---|---|---|---|---|---|---|
| 1 | TOLOSA C.F. | 48 | 22 | 15 | 3 | 4 | 0 | 50 | 23 |
| 2 | ANAITASUNA C.D. | 45 | 22 | 13 | 6 | 3 | 0 | 48 | 18 |
| 3 | MUTRIKU F.T. | 40 | 22 | 12 | 4 | 6 | 0 | 38 | 29 |
| 4 | REAL UNION CLUB SAD | 38 | 22 | 11 | 5 | 6 | 0 | 40 | 23 |
| 5 | TOURING C.D. | 37 | 22 | 11 | 4 | 7 | 0 | 27 | 20 |
| 6 | HERNANI C.D. | 36 | 22 | 10 | 6 | 6 | 0 | 33 | 25 |
| 7 | OSTADAR S.K.T. | 33 | 22 | 10 | 3 | 9 | 0 | 34 | 42 |
| 8 | ALOÑA MENDI KE | 33 | 22 | 9 | 6 | 7 | 0 | 28 | 28 |
| 9 | ZARAUTZ K.E. | 32 | 22 | 9 | 5 | 8 | 0 | 27 | 22 |
| 10 | HONDARRIBIA F.E | 32 | 22 | 8 | 8 | 6 | 0 | 33 | 24 |
| 11 | OIARTZUN K.E. | 31 | 22 | 10 | 1 | 11 | 0 | 27 | 26 |
| 12 | EUSKALDUNA S.D. | 28 | 22 | 8 | 4 | 10 | 0 | 22 | 41 |
| 13 | BETI GAZTE K.J.K.E. | 24 | 22 | 6 | 6 | 10 | 0 | 25 | 33 |
| 14 | ELGOIBAR C.D. | 21 | 22 | 6 | 3 | 13 | 0 | 21 | 35 |
| 15 | MARTUTENE K.E. | 20 | 22 | 5 | 5 | 12 | 0 | 23 | 33 |
| 16 | ORIOKO F.T. | 19 | 22 | 5 | 4 | 13 | 0 | 19 | 40 |
| 17 | ORDIZIA K.E. | 19 | 22 | 4 | 7 | 11 | 0 | 26 | 36 |
| 18 | GETARIAKO KETA F.T. | 17 | 22 | 5 | 2 | 15 | 0 | 23 | 46 |