16:00etatik aurrera San Frantzisko ibiltokia olatu koloretsu bat izan da: jendez betetako kalejira egin dute zezen plazaraino. Hondar gainean, ondoren, festa.
Praskuarenak eta Iruretak, zazpiak eta hamalauak musikarien hizkuntzan, saltoka jarri dituzte Alde Zaharrean bildu diren herritarrak. Pixkanaka, San Frantziskon gora, gehitzen joan dira ehundaka herritar, mozorroturik.
Zezen Plazan berriz, sartu ahal izan direnak, ez dira bueltak emateaz nekatu. Behin eta berriro, Sukalde, Alcoyano eta Kabila txarangen atzetik ibili dira saltoka, alai.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?