Zaldunita bezpera 2016

Dantzarien kalejirek girotu dute goiza

Eskualdeko 370 dantzari txiki elkartu dira Tolosako kaleetan, Udaberrik antolatutako kalejiran, inauterietako dantzak dantzatzeko; eguraldia lagun izan dutelarik kaleak kolorez eta dantzaz jantzi dituzte

Zaldunita bezperan urteroko zita bilakatu da Udaberri dantza taldeak antolatutako kalejira. Azken urteetan ez bezala, eguraldi ona izan dute kalejiran, nahiz eta haizeak txantxoen zintak modu zoroan mugitu.

Trianguloa plazatik abiatuta bi taldetan irten dira eskualdeko 370 dantzari, irakasle eta musikari. Euskal Herriko inauteriak ekarri dituzte Tolosara, Txulalai, Altsasuko Momotxorroen dantzak eta Lantzeko inauterietako doinuak dantzatu dituzte.

Dantzariekin batera euskal inauterietako ordezkari nagusiak ere atera dira, tartean dantzari guztiak izutzen ibili den hartza; zalantzarik gabe begirada guztiak bereganatu dituena.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!