Omenaldiak omenaldi eta txupinazoak txupinazo, tolosarrei gauza bakarra axola zaie gaur: inauteriak hasi dira behingoz. Aurreko asteetan ez da beste konturik ibili, ahoz aho, eta gaur, irribarreak izan dira, hain zuzen, herritar guzti-guztien ahotan marraztu direnak.
Edozer dela ere, eskuak gora igo eta eragitea, besterik ez da egin behar egunaz gozatzeko. Oinak, berriz, ahal dela, salto egiteko mugitu, eta kito, hasi da jaia, datozen sei egunetarako. 365 egunak horrelakoak balira...