Festaren euforiak Ostegun Gizena izaten du plaza, baina jaiak ere sor dezake oilo-ipuri eta hunkidurarik ere. Kabi Alai elkarteak eskainitako Inauterizale Kuttunaren saria Gure Kaiolako 'mutikoek' kuadrilak jaso du gaur, etenik gabe mozorrotzen 54. inauteria beteko baitute aurten. On Ostegun Gizenek eta bere konpartsak, berriz, Koldo Tarragona akordeoi jotzailearen etxepean abiarazi du inauterietako lehen kalejira, haren ibilbideari gorazarre eginez.
Gure Kaiolako 'mutikoek' ez dute saria nolanahi jaso nahi izan, eta beren ibilbide luze eta oparoko mozorro bat aukeratu dute, saria jasotzeko: pailazo txarangazaleena. Hunkituta hartu dute errekonozimendua eta, noski, berena izan da 2016ko txupinazoa pizteko ohorea.