Tolosako inauterien urtez urteko tradizioak efemerideei bide irekitzen die eta, aurten oso ozen plazaratu ez bada ere, Gure Kaiolak Inauterizale Kuttun sariaren ohoreaz gain izango du ospakizunetarako aitzakiari. Izan ere, elkarteko fanfanrreak 40. irteera egingo du, Astelenita egunean. Gure Kaiolakoa ez da inauterietako txaranga ofiziala, baina ez du sekula hutsik egin izan, eta 1977. urteaz geroztik, kalez kale dabiltza. Ignacio Malumbres arduradunarekin batera, beste hainbat musikari pasatu izan dira taldetik, eta aurten ere 1977ko argazkia errepikatzeko moduan izango dira.
