Yurre Ugartek azaldu duenez, 50. hamarkadako Italiako Napoli hiriko auzo txiro batean kokatzen da idazle italiarraren eleberria. Adiskidetasunaren indarraz eta inguruekiko erlazioez hitz egiten du, auzo txiro horretako bi neska protagonista direlarik. Eleberri forma klasikoa du, kronologikoki kontatua, eta idazle italiarraren inguruko misterio handiaz ere hitz egin digu Ugartek: "Inork ez daki nor den, komunikabideetan-eta ez baita inoiz agertu". Eleberria lauko sorta baten lehen zatia da, eta Fernando Reyk itzuli du euskarara, eta Igelak argitaratu.