Datorren urtarrilaren 29an egitekoak ziren arren, azkenean, ostiral honetan bertan izango da inauterietako zezen festak palkoetatik jarraitu ahal izateko zozketa, 19:00etan, kultur etxeko areto nagusian. Hori dela eta, izena emateko epea ere zabalik da jada, kultur etxean, 10:00etatik 13:00era eta 16:00etatik 20:00etara.
Gogoratzekoa da, zozketan parte hartu ahal izateko, 12 pertsonako taldea osatzea ezinbestekoa dela; horien guztien izen-abizenak eta NAN zenbakia ere zehaztu beharko dira izena ematerakoan, gainera. Datuen orria, kultur etxean eskuratzeaz gain, www.tolosa.eus/inauteriak ataritik ere jaitsi daiteke.
Azkenik, aipatzekoa da izen berak ezin izango duela zerrenda batean baino gehiagotan azaldu; hala gertatuko balitz, zuzenean zozketatik kanpo geratuko litzateke pertsona horren taldea.
Gainerako sarreran salmenta aurreikusi bezala gauzatuko dute.