Martin Arakama, Bertol Murua eta Urki Kolinasen gidaritzapean, arratsalde osoko irrati maratoia egiten ari dira. Bonberenea okupatu zuten kideak, Txarangako partaideak, eta etxearen egunerokoan lan ezberdinak dituzten pertsonak pasa dira mikrofono aurretik.
Saio berezi horretan bertan, Patxi Muñoak bi berri eman ditu: alde batetik, datorren urte honetan, Bonberenea Suffle bildumaren bigarren edizio bat argitaratuko dute, azken hamarkadan taula gainetik pasatako irudi onenak bilduz; bestalde, 2017. urterako Bonberenea Sutan jaialdia berriro antolatuko dela azaldu du, Bonberenearen etorkizuna "kolokan baitago oraindik".
Aurrerantzean, Bonberenea Ekintzak zigilupean argitaratutako musika eta beste hainbat talderen doinuak entzuteko aukera izango da online, Bonberenearen web orrian.