Urtero elkarlanean egin ohi duten Eguberri Kanpaina solidarioaren baitan kokatzen da gaurko janari bilketa. Tolosako bost supermerkatutan izan dira ikasleak, goiz osoan zehar, Abegi eta Caritasentzat janaria biltzen.
Makarroiak, kontserbak, lekale poteak, turroiak, polboroiak, txokolateak... denetarik bildu dute. "Aipagarria da Caritasek beste leku batzuetatik janaria jasotzen badu ere, Abegiren kasuan urte osoan irauten diola kanpaina honen bidez lortzen dugun janariak", azaldu du Malen Oiartzabal ikasleak.
Jendeak begirune osoz hartu ditu: "Batzuk zertan ari ginen galdetu digute, eta segituan eman digute zerbait. Beste askok bazekiten. Karroa bete digunik ere izan da" azpimarratu dute ikasleek. Ezer ez da soberan.
