Pasa den astelehenean Ada Lovelaceren jaiotzaren bigarren mendeurrena ospatu zuten EHUko Berdintasunerako Zuzendaritzak eta Informatika Fakultateak.
Lehenik eta behin Ada, nombrar y recordar a una científica izeneko hitzaldia eskaini zuen Remedios Zabrak. Ondoren programatzaile ezagunaren izen bera daraman lehiaketa bat antolatu zuten, Emakumeak eta Teknologia gaitzat hartuta.
Tolosako Orixe Institutuko ikaslea den Nora Cécile Rosel Zaballosek irabazi zuen saria. Hainbat emakume ezagunen datuak biltzen dituen webgune bat sortu zuen Norak.
Horrez gain, urtarrilaren 31ra arte, Donostiako Carlos Santamaria Zentroan erakusketa bat zabaldu du EHUk Emakumeak eta Teknologia izenpean.