Iñigo Cabieces Podemos-Ahal Dugu alderdiko kideak azaldu duenez, "Tolosako Podemoseko Zirkuluaz oso harro gaude, astero ekintzak antolatzen ari garelako kalean". Jendeak aldaketaren beharra ikusten duela nabarmendu du: "Eta ez aldaketa negatiboa, irribarrearen bidezko aldaketa bat baizik".
Trianguloan jarritako mahaiaren bidez, "jendeari programaren alor ezberdinak" azaldu dizkietala dio Cabiecesek, "ez bakarrik aldaketarengatik bozkatzeko, baita aldaketa zergatik datorren eta zein norabideetan doan jakiteko". Esaterako, Cabiecesek azaldu du ezin dela ulertu "Espainian nolatan ez diren enegia berriztagarriak bultzatzen". Bestalde, autodeterminazioaren gaia oso garrantzitsua dela azaldu du: "Euskaldun heldu bezala eskubidea dugu gure etorkizuna erabakitzeko. Eskubide hori badugula onartu behar dute beste lekuetatik".