Irristaka Taldeak lasterketa antolatu du igandean, Tolosako Usabal kiroldegiaren barruan. Kantxa lau konorekin egokituko dute, zirkuitu azkar eta labur bat osatuz. 10:00etan hasiko da lasterketa, eta bi mailatan parte hartuko dute irristalariek. 7-12 urte bitarteko 26 gaztetxo ariko dira lehian, eta 15 urtetik gorako 46. Parte hartzaileak Gipuzkoa, Araba, Nafarroa, Bizkaia, Errioxa eta Asturiastik etorriko dira.
Indoor izenak irristakako modalitate bati egiten dio erreferentzia. Abiaduraren barruan kokatzen da, iraupenean baino gehiago, eta pista estalian izaten dira indoor lasterketak, luzera laburrean. Normalean egurrezko zoruaren gainean izaten dira lehia hauek. Irristakak antolatu duen lehen edizioan horrela izango da.
Lehiaketa, aldiz, kanporaketen bidez izango da. Adibidez, lasterketak launaka egingo dituzte. Lehen bi sailkatuek aurrera egingo dute, eta besteak kanporatuak izango dira. Horrela, urratsez urrats irristalari azkarrenak finalera iritsiko dira.
Azkenik, Irristaka Taldekoek herritarrak Usabalera gonbidatu dituzte igandean, proba ikusgarri hau gertutik jarraitzera.
Irristaka taldeak antolatu du lasterketa Usabalen, 10:00etan
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!