EAJk, berdintasunaren aldeko konpromiso irmoa agertu nahi izan du Tolosako Zerkausian egin duen ekitaldian, eta bertara gonbidatu ditu hiru emakume. Berdintasunaren inguruan bizitako euren esperientzia kontatu dute eta beraiekin batera, Kongresurako eta Senaturako Gipuzkoako hautagaiek ere hitza hartu dute.
EAJ alderdia, berdintasun politikak bultzatzen aitzindari dela adierazi dute Gipuzkoako hautagaiek. Agirretxeak azpimarratu du: "Berdintasunik gabe ez dago elkarbizitzarik, ez dago benetako harremanik, azken finean, ez dago gizarte demokratikorik". Eta “gizonek ere beharrezkoa den aldaketa honetan lagundu behar dugu, beti ere denontzako berdintasunezko gizarte bat eraikitzeko helburuarekin”, gaineratu du. Hiru adierazle aipatu ditu: “Gizon eta emakumeen arteko soldaten aldea, lan eta familia bateragarritasun eza eta emakume askok jasaten duten genero indarkeriaren arazo bortitza”.
Iparragirrek, aldiz, gizon-emakumeen arteko berdintasuna konpondu beharreko proiektu politiko handienetarikoa dela ekarri du gogora.