Matxismoaren aurka dantza ere egin daiteke, eta badira urteak, Tolosan, azaroaren 25aren ingurua erritmoaz blaitzen dela. Gaur, Trianguloa plazako karpan, doinu mitikoak izan dira entzungai, eta Maixa eta Ixiar bikotearen Emakume jaio nintzen kantua izan da erasoen aurkako bozgorailu.
Oholtzan, udaleko dantza tailerrak, Udaberri dantza taldea, Usabalgo dantza tailerra eta Alurr dantza taldearen ordezkaritza izan da, galduta zebiltzanei laguntzeko. Lurrean, berriz, dozenaka neska-mutil, etxean ikasitakoa praktikan jarriz, Jone Amonarriz eta Antton Telleria aurkezleen gidaritzapean.