Espero gabekoa izanagatik-edo, aho zapore txarra utzi zuen larunbateko TAKEren neurketak. Emaitza gutxienekoa izan zen, gehiago arduratu baitzuen emandako itxurak.
"Orokorrean ez zen partida ona izan" laburbildu du Gonzalezek. Ia partida osoan zehar aurretik izan ziren tolosarrak, baina ez nahi bezain gustura: "Aurretik ginen aurkariek ere ez zutelako asmatu. Ez genuen partida erabakita utzi horretarako aukera izan genuenean eta bizia eman genien".
Azken laurdenean, ordea, aurkariak asmatzen hasi ziren. TAKE, berriz, ezin bere nortasuna topatu. Bederatzi puntuko aldearekin ekin zioten azken zatiari (50-41) eta sei puntuko aldeaz galdu zuten (57-63).
Erabakiek erabaki zuten partida. Baina, saskibaloiak eskatzen duen azkartasun horretan, inork ez zuen esan beti ongi erabaki behar denik.