Tolosagasa eta Tolargi izan dira egitasmoaren orain arteko antolatzaileak, eta Tolosako Udaleko kultura sailak estreinakoz hartu zuen ardura, iaz. Tolosanklisk izenpean osatutako lehen egutegia izango da, beaz, 2016koa.
Ateak izan da argazkilariei ezarritako gaiak, eta 211 argazki aurkeztu dituzte, guztira. Horietatik 40 irudi aukeratu zituzten Ura Iturralde eta Iñigo Royo epaimahaikideek, eta aukeraketa hori oinarri izan zen, herritarren botoak jasotzeko. 647 boto bildu eta gero, Pilar Gil de Graciaren Dificil decisión argazkia izan zen ikuslegoaren gustukoena.
Gainerako egile eta izenburuak, berriz, honakoak dira:
Ba ote dator ABUZTUA Goretti Izuzkitza Goitia
Belarrezko atea UZTAILA Gorka Gaztelumendi
Lehen atea IRAILA Bea Marzol Belaunzaran
Descubriendo ABENDUA Miguel Urbistondo
Kas, kas, atean URTARRILA Miren Arnedo
Gora eta behera MAIATZA Miren Arnedo
Naturaleza y Deporte en Tolosa MARTXOA Javier Sánchez
Adaptado a los tiempos EKAINA Javier Sánchez
Kasinoko atea AZAROA Iñaki Otegi Arrospide
S.P. San Esteban OTSAILA Idoia Zabaleta Urkola
Leidorreko argiak URRIA Aratz Elkoro
Zenbat ate! APIRILA David Azurza
Sari banaketarekin batera, datorren urteko egutegia osatzeko gaia aurrerago jakinaraziko dutela azaldu du Jokin Ansorena kultur teknikariak.
Banaketa egunak, aste honetan
Tolosako egutegia bihartik ostegunera bitarte banatuko dute Zerkausian, 09:30etik 12:30era bitarte. Azaroaren 27tik aurrera, berriz, kultur etxean ere eskuragarri izango dira, herritarrentzat.