"Betiko moldeak puskatuz", beste era batera egin dituzte aldarrikapenak. Goizean goiz Triangulotik Aldabara kotxe karabana egin, eta handik Intxurre mendira igo ziren. Bertako gotorlekuko historia azaldu zien Aranzadiko Juantxo Agirre Mauleonek. Hamaiketakoa, bertsoak eta musika izan zituzten gainera tontorrean.
Ondoren, babarrun jana egin zuten Intxurre tabernaren aurrean, eta puxika laranjak aireratuz mezu bat zabaldu zuten lau haizetara: Intxurre Libre!
Aitor Sukia antolatzaileetako baten esanetan, Intxurre eta beste 107 herriko tabernen aurkako sententzia emana dagoen arren, ez dakite noiz gauzatu daitekeen. Horregatik, «mobilizazioekin jarraitzeko asmoa» dutela jakinarazi du.
